Donderdag 27 Oktober

Konferenie konferensie konferensie

Mens moet seker werk ook. Dit het goed gegaan met Thinus se poster. Daar was nogal belangstelling. Ons het met 'n heel paar mense gesels, en gelukkig kon ek Carole Goble ontmoet, die kontakpersoon in Manchester wat op die Biodiversity Ontology werk. Het lekker met haar gesels en ons sal nou inskakel in haar netwerk.

Woensdag 26 Oktober

Die konferensie het vandag begin. Vroeg het ons by die hotel ontbyt geeet - gelukkig darem meer as net brood en konfyt. Die konferensieorganiseerders het busse van die hotel af gereel universiteit toe. Ons het toe gaan registreer en die program gekry. Die eesrte keynote was heel interessant.

Iewers deur die oggend het Sarel ons laat weet hy is in Parys en dat ons dalk kan ontmoet. Waao - wat is die kans dat ons saam hier is? Gelukkig werk die konferensie ook nog saam en is die middag se sessies hoofsaaklik spesiale sessies in ander areas en ons kon toe wegbreek na die oggendprogram.

Ons het gejaag terug hotel toe, alles neergegooi en is toe weer met die bus in stasie toe. Ongelukkig moes ons 'n ruk wag vir die volgende trein, maar Sarel is toe ook vertraag in sy vergadering. Ons reel toe om mekaar naby die Arc de Triomphe te kry. Ons moes nog 'n trein haal, maar ons het letterlik va die een in die ander een ingeklim en is toe by Arc so net voor 3. Dis nogal asemrowend om so uit die stasie uit te kom en die Arc in die sonlig voor joute sien!

Sarel is toe net aan die ander kant van die straat en net klaar met sy vergadering. Hy moes so 16:00 'n taxi lughawe toe kry. Ons kon to darem 'n glasie klink in Champs Elysees! Hoe spesiaal is dit nou nie! Gevoel of ons droom.

Na dit is ons om en om die Arc - ons het soveel fotos geneem - regte toeriste. Arc is regtig mooi.

Daarna is ons af in Champs. Die straat het soveel geskiedenis, en dit was nogal 'n storie om net geloop te kry tussen die massas en massas mense aan weerskante van die straat. Vandag is daar nie veel straatmusikante en skilders nie, dit is winkels en banke.

Aan die onderkant (of is dit nou die bokant?) by die Place de Concorde het ons ons verstom aan die Franse. Daar was 'n groot saamtrek om die terugkeer van die Franse rugbyspan te vier en daar was honderde mense met vlaggies wat gejuig het. Die Franse het net-net teen die Nieu Zeelanders die wereldbeker verloor, en hulle is maar baie suur oor die SA ref wat geblaas het.

Toe ons omdraai was die Eiffel al die tyd agter ons, en dit was skemer. Ons is toe langs di seine af tot by die Eiffel. Teen daardie tyd was ek lekker flou geloop maar dit was baie mooi. By die Eiffel het ons besluit om maar nie op te gaan nie, die toue was baie lank en ons het maar net fotos van alle hoeke geneem.

Ons het gedog ons kan daar iets eet, maar daar was nie restaurante naby die Eiffe nie, net op bote in die Seine en ons het toe maar die pad terug gevat stasie toe. Gelukkig het ons een van die ander lyne gekruis en kon ons toe trein ry terug Louvre se rigting toe. Die treinkaart was weereens nuttig. Daar het ons uitgeklim en eers iets geeet (ons sukkel maar met die Franse spyskaarte) voor ons terug is hotel toe. Thinus het so gesit en slaap op die trein, sy kop het gehag soos 'n petshop slang. Hy kon net nie sy oe oophou nie. Ons moes toe nog 'n rukkie wag vir die bus en was baie dankbaar vir die bed.

Die wegtrek: 24-25 Oktober 2011

Maandag. Na die kinders weg is skool toe, en Aurona jr vir Thinus by die werk gaan aflaai het, pak Aurona die laaste goed en reel dat al die monde kos kry in ons afwesigheid. Die plan is dat ons mekaar 1uur in Hatfield kry en dan vandaar met die Gautrein na die lughawe. Gelukkig het alles vlot verloop. Aurona moes net haar program met 'n uur vervroeg om nog 'n kredietkaart by die bank te kry. Sy het dit gelukkig gemaak. Thinus het nog vraestelle gemerk, vrae vertaal, boeke ingegee ens.

Die Gautrein het goed gewerk en ons was heeltemal betyds op die lughawe - 'n rare gebeurtenis.

In die Gautrein

Ons aanvanklike plekke op die vliegtuig was heel agter langs die toilette. Thinus het sy beste charm gebruik en eers probeer om ons in besigheidsklas te kry. Toe dit nie werk nie het hy as tweede prys twee sitplekke langs die venster tweede ry van voor in die Airbus 800 gekry, met een van die drie sitplekke oop.

Dinsdag: Vieruur die oggend voer die Duitsers ons ontbyt. Twee ure op Frankfurt voor ons vertrek na Parys. In Parys hoor ons dis nog twee ure na die hotel. Dis twee treine en 'n bus tot by die hotel ongeveer 70 km van die lughawe en 40 km suid van Parys.

Ons Lufthansa Airbus 300 380

Ons eerste indruk van Parys is vaal, mistig, nat, koud en donker. Gelukkig het die son later opgekom en die wolke weggetrek, en het ons 'n lieflike dag.

By die bushalte

Ons was ongeveer 11 uur by die hotel in ons kamer. Ons het net gestort voot ons terug is Parys toe. Die stasiemannetjie en met sy gebroke Engels en ons ontbrekende Frans oortuig ons toe om twee weekkaartjies vir die treine en busse te koop. Dit het al baie handig ingekom. Ons besluit om eerste die Notre Dame te besoek. Gelukkig het ons 'n GPS by ons, en 'n toeristekaart sonder straatname - ga, na baie kilometers te voet en die derde probeerslag kom ons by die regte Notre Dame uit! Nou weet ons ook hoe werk die GPS as mens loop!

Ons het toe ons eerste ete op Franse bodem gehad. Die voorgereg was voortreflik, maar die hoofgereg baie gewoon. Dis ongelooflik hoeveel tafeltjies die restaurante inpak in die kleinste spasie in. Terwyl ons daar was, sak 'n vreeslike donderbui uit. Ons konnie glo hoeveel emmers water uit die lug val nie. Dit was in 'n oogwink verby en toe ons klaar geeet het, was die strate pragtig.

Na die ete was ons flou en het ons weer die trein gepak terug hotel toe. Die treine raak nou al tweede natuur. Die pad is nogal lank terug as mens moeg is. Na die trein moet ons nog bus ry ook voor ons by die hotel kan uitkom. Dit was 'n lang dag en ons het dankbaar gaan slaap!