1 November, Londonbesoeke

Ons is vroeg weg om ons twee besoeke te gaan doen. Dit was weer 'n trein en moltreintog van formaat, maar darem hiedie keer sonder bagasie. Ons eerste besoek is aan Allison McManus. Sy is 'Technical Manager' van die Conceptual Framework Poject van die International Accounting Standards Board (IASB),  30 Cannon Street,  London. Thinus het aan haar verduidelik wat ons doen en teen die einde was sy ergtig geinteresseerd. Die konsepsuele raamwerk projek het nie baie prioriteit tans nie, maar sy is nou bewus van die werk wat ons doen en het toekomstige samewerking beloof indien moontlik. Mens kan  nie meer vra van so 'n kort besoek nie.

230 Cannon Street is regby St Pauls, maar ons het net 2 ure om by ons tweede besoek uit te kom, en ons moet weer moltrein en trein Egham toe. Die 2e besoek is aan Professor Jeffrey Unerman,  Professor of Accounting and Corporate Accountability,  Head of the School of Management, Royal Holloway, University of London, Egham. Thinus het meer met hom gesels oor of sy projek 'n PhD scope het, en hy was op die ou einde baie positief en het 'n klomp waardevolle verwysings gegee. Hy het ons op 'n vinnige toer van die universiteitsgeboue geneem, die Egham kampus het 'n ongelooflike mooi ou gebou. Ons het toe 'n taxi terug geneem na Sarel hulle toe. Die universiteit is so 11myl van hulle af en die taxi het ons 37pond gekos! Dis nou R13 teen die pond!

By die huis gekom moet Lindi vir AD gaan haal en laai sy ons af by die Buttons perdewinkeltjie. Ek dink dit is die winkel by hierdie link. Die plekkie is soo vol, mens kan jou nie roer nie, en in die warboel begin ek toe perdryboots aanpas. Die tannie is so entoesiasties, sy verdwyn kort-kort in die solder in en kom met hope bokse boots uit. Lindi is toe al terug, maar sy pas en pas en als is te groot, te klein, te lank of te nou. Net toe ek besluit ons kan nie langer tyd spandeer nie, kom sy met die perfekte paar boots daaruit en ek besluit dadelik ek koop hulle - vreeslik impulsief - maar daar het my beursie by die huis agtergebly nadat Thinus die taxi betaal het.

10 uit 10 vir Lindi se geduld. Dankie Lindi! Sy het my wraggies huistoe en weer terug winkeltjie toe geneem, ek het my boots betaal, hulle die res van die dag gedra en die hele nag slapeloos rondgerol or my spandabelrigheid.

Gelukkig kon Lindi ons toe ook hul nuwe huis wys. Hulle teken kontrak 12 November en begin dan intrek. Ek kon net deur die venster loer maar kan sien dit gaan 'n lekker leefhuis wees, en dis die regte ding vir die seuns se (baie goeie) hoerskool wat dan stapafstand is.