Ons was heel dag by die konferensie en is die aand na die konferensie-ete in Parys. Dit is voorafgegaan met 'n bustoer van Parys. Dit was interessant, ons het 'n oulike toergids met die mooi franse naam Gabrielle gehad. Die guillotine het sy naam van 'n doktor met dieselfde van gekry. Hy het die koning oortuig dat die Guillotine 'n beter manier is om mense tereg te stel as om hulle koppe met 'n byl af te kap, hul te hang of hulle te quarter (waar hulle deur 4 perde in stukke geskeur is). Gedurende die Franse Rewolusie is meer as 1200 mense se koppe op die Place de la Concorde afgekap waarvan Marie Antoinette een was (gedurende die Reign_of_Terror).
Ons het ook verby die Ritz gery en was by die tonnel waar Diana dood is.
Die ete was lekker, maar die kos was nie baie besonders nie. Ons het eers 21:30 begin eet! Oorkant ons het 'n arme vegetarier van Boston gesit wat net veskillende weergawes van blare op sy bord gekry het.
Ons het baie laat eers by die hotel terug gekom, die busrit het nog meer as 'n uur geneem en ons het eers 00.01 weggetrek.
No comments:
Post a Comment